Aizawl : PC party President Vanlalruata’n an party chuan Mizoram sum dinhmun chu siamṭhat theih ngeia an ngaih thu sawiin, “A duh phawt chuan kan Chief Minister, Finance Minister ni bawk Pu Zoramthanga hian kan ram sum dinhmun chhe zel hi a siamṭha thei a, a duh leh duhlohah a innghat” a ti.
Nimina PC party hruaitu ten Mizoram budget an thlirhonaah he thu hi PC party President Vanlalruata chuan a sawi a. Mizoram sor- karin chhiah leh thil dang hrang hrang aṭa- nga sum hmuh a tumnaah mipui phur tirit si lo leh mipuite chu an chawi pangngai tho cha- witir chungin a lakkha- wm kawngah sorkarin ṭan la sela sum indaih- lohna zualpui chu sut- kian theih tura an ngaih thu a sawi.
Vanlalruata chuan “Sorkar hian mipui aṭa- nga a lakkhawm pawisa, mipuiin kan pek ngei si sorkara lut si lo nia langte hi harsa lo takin sorkarah a sengkhawm thei” tiin, hemi kawnga hmalak dan chu PC party chuan an hriat avangin ram sum din- hmun chhe siamṭhat chu an huphurh lo niin a sawi a. “An ti duh a nih chuan tuna sorkar pawh hian a siamṭha thei ngeiah kan ngai a ni” a ti.
PC party President chuan “Mipuiin chhiah leh thil chi hrang hranga kan chawi, sorkara lut silote hi mipuiin kan ngaihvena kan zirchiana, sorkar lakah pawh thîkthu kan tihchhiat a ṭul kan ti hle a ni” a ti bawk.