Aston Villa defender Tyrone Mings chuan club a contract a neihlaiah kum hnih dang a ziah belh a, kum 2026 thleng Villa Park-ah a cham dawn.
English centre-half hi nikum July khan khatihlaia manager Steven Gerrard chuan captain a nihna hlihsak mahse Gerrard-a chhuah hnuah manager thar Unai Emery hnuaiah a che tha a, tunah an team a player pawimawh a ni mek.
Kum 29 mi Mings hian Emery hnuaiah hian Pathianni zana Manchester City an hmachhawn tum tih loh chu minute tin a la khel vek a. City nen an inkhelh tum hian a inhliam.
A contract neihlai hi June 2024 a zo tur a ni a. Bournemouth atang Villa a zawm hnuah an tan vawi 149 a inkhel tawh.
Kum 2019 January thla khan loan in Villa Park hi a pan phawt a. Premier League a an kir lehna turah mi tangkai niin July thla khan Aston Villa hian a nghetin an lei a ni.