Chhul cancer hi hlauhawm tak a ni a, chuvangin a tantir atang kan fimkhur a pawimawh. A lan chhuah theih dan te kan hriatthiam chuan kan inenkawl vat thei ang.
Ngaihsak lo taka awm a tha lo a, a hnuaia tarlang anga i lo awm palh chuan i in en tir vat dawn nia.
Dul a lo kiar vak thin
Heti anga i awm chuan i chaw ei pawh a tui lo ang. Tlemte i ei rigawt paw’n puar angin i in hria ang. Thau vang pawh ni chuang si lovin, i thawmhnaw hak ho i ha thei tawh lo ang.
Pum nâ
Hmeichia te thlatin Period a dik lo vanga pumna lutuk hian Chhul cancer a awl hle vangin fimkhur a tha. Heti ang a thla tin Period dik loh vanga pumna leh pum a thli tam lutuk anga i in hriat chuan in en tir vat rawh.
Zun tam
Tui in tam vang pawh ni chuang lova, i zun a chhuah reng chuan chhul cancer nih theihna dinhmun ah i ding mai thei. In en tir vat a tha.
Hah lutuk anga in hriatna
Hah lutuk anga in hriat an nei thin a, hnathawh vang pawh ni si lo a i awm mai mai chung paw’n hah lutuk anga i in hriat chuan mutpui tawp suh ang che. Doctor pan vat tur.
Tai na
I tai hnuai lam danglam taka a nat chuan tawngpaw tuar tawp a fuh lo hle. Chhan leh vang hre lo a i tai a na lutuk nih chuan doctor lo rawn thin ang che.
Ek khal lutuk
Ek khal lutuk te pawh hi Chhul cancer in tan dan a ni tih pawh hriat a tha. Thlai hnah ei chung paw’n i ek a khal thei lutuk anih chuan Damdawi In lam ah i lo in en tir dawn nia.