Taylor Swift (33)chuan pasal neih chu atan a remchang dawn em tih a chian loh laiin, inngaihzawnna hrisel leh rinngamna tak tak a awm phawt loh chuan pasal neih hi thil hmanhmawh thlakah a ngai lo a ti.
‘Lover Story’ atanga hriatlar hian Joe Jonas , Taylor Lautner, John Mayer, Jake Gyllenhaal leh Harry Styles te a lo kawp tawh thin a, “Inneihna hi thil ropui tak a ni a, chutih laiin, ropui lem lo takte pawh ka hmu tho. Inneihna nghet tak a awm theihnana theihtawp chhuahtute pawh ka hmu a, bei tang tangte chenin ka hmu tawh. Beihpuithlak man a awm chiah reng em ka ti a ni.
“Hmangaihna hi engtiklai mai pawha awlsam reng turah chuan ka ngai lo. A nihna takah chuan, a tam zawk hi thil hrehawm leh rilru natnaah a chang fo zawk. I hlauh chang pawha, “Ka kalsan ngai lovang che” titu tur che kha an pawimawh em em a, i chian loh lai pawha chianna pe theitu an nih ngawt loh chuan inneihna hi ngaihtuah thui vak pawh ka la peih lo,” a ti.