Manipur chuan B20 conference pali awm tura a hmasa ber chu a thleng mek.
B20 hi G20 dialogue forum niin khawvel ram hrang aiawhten khawvel huap sumdawnna chungchang an sawihona a ni.
Zirtawpnia tan tak inkhawmpuiah hian Manipur Chief Minister Biren Singh leh union minister pahnih, Som Prakash leh RK Ranjan Singh te pawh an tel.
Manipur-a B20 session-ah hian ram 23 – Australia, Argentina, Bangladesh, Bhutan, Chad, Canada, China, France, Greece, lceland, Japan, Nepal, Russia, Seychelles, Singapore, South Africa, Switzerland, Tunisia, Uganda, United States leh United Kingdom ram aiawhte an kal khawm.
Intawhkhawma tel ram 23-te hi khawvela sum thawh chhuah zawng zawng 85% chuang zet thawk chhuaktu an ni.
Manipur sorkar pawh a inbuatsaih nasa a, thawhpui tur lo dap bakah an state danglam bikna chi hrang hrang – culture, ei leh in, art, kut leh an ram mawina te chu palai kalkhawmte hmuhtir ngei an tum.
Palaite veng turin hmeichhe police an ruat bawk.