Aizawl: GAD changtu, Chief Minister Zoramthanga’n Mizoram MLA constituency hming vuah dan chu a fuh tawk chiah lo nia sawiin, a huam chhung then dan pawh fuh lo mahse, sorkarin tihdanglam tuma hmalakna a nei lo tih house a hrilh.
Mizoram state Legislative assembly thutkhawm neih mekah nimin khan MNF member Lalrintluanga Sailo leh member dangte zawh belhna chhangin chief minister chuan tuna MLA constituency hming vuah dan chu an sorkar hmasak laia an siam a nih thu leh an tihfuh chiah loh thu a sawi a. Tuna bial inthen dan te pahw fuh tawk lo a awm nia sawiin, “Bbuaithlakna tam tak a awm,” a ti.
Hemi chungchang hi political party hrang hrang ten an sawihonaah pawh tihdanglam duhin an thu a inhmu viau niin chief minister chuan a sawi a. “Election Commission of India-ah pawh thlen a ngai a, chutihrual chuan MLA inthlanpuite a lo hnai si a, sorkar level anga umzui chu a buaithlak deuhah ngaiin hmalakna a awm rih lo,” a ti bawk.