Aizawl : Serchhip district MJA-in Bangla- desh raltlante ṭanpuina tura charity concert an buataiha tanpuina sum lut Rs. 36,126 chu nimin khan Serchhip district MJA aiawhin Lawngtlai district MJA President Lalngheta Ralte-in Lawngtlai Baw- rhsap David Lalthantluanga kutah a hlan.
Kumin Republic Day lawmna peng pakhat atan Serchhip district MJA te chuan Er F. Sanglura band leh Serchhip tualchhung zaithiamte thawhpuiin, Ser- chhipah charity concert an buatsaih a. An sum hmuh ang ang te chu Bangladesh aṭanga sahi- mna zawnga Lawngtlai district chhunga tlan- lutte ṭanpuina atan hian an hlan a ni.
Lawngtlai district thuneitu ten an chhinchhiah danin, Bangladesh aṭanga sahimna zawnga Lawngtlai district-a tlan lut mi 531 an awm mek a. District thuneitute aṭangin an mamawh hrang hrang – chen lailawkna, mutbu, ei leh in leh nitin mamawhte ngaihtuahsak niin, a theih ang anga tuamhlawm leh chhawmdawl an nih thu sorkar thuchhuahin a tarlang.