Railway Police Force (RPF) chuan Tripura-a Agartala rel station-ah mi 16 an man a, an zinga 12 hi ram dang mi, dan lova India-a lutte an ni tih thuneituten Pathianni khan an sawi.
Government Railway Police (GRP) Station in-charge Rana Chatterjee chuan thu an dawn bawhzuiin, RPF hian station-ah hian naupang pathum telin mi 16 an man tih a sawi a. An zinga 12 hi ram dang mi niin pahnih chu Bangladeshi leh Rohingya 10 an ni.
Mi man zingah hian dan lova India an luh theih nana mi dawr kual veltu, Abhijit Deb, Madhupur a tel bawk tih police chuan an sawi.
Police-in an sawi dan chuan dan lovin an zavai hian Bangladesh atangin India-ah an lut a ni.
Kolkata atangin Kanchanjunga Express relah chuangin Pathianni zing dar 8:05-ah Agartala Railway Station an thleng.
Court-a hruai an nih hmain damdawi thiam hnenah kalpui phawt an ni a. Thubuai ziah luh nghal a ni.
Police hian thu an zawt fiah mek a, dan lova India-a an luh theihna kalkawngte hriat an tum a, an chhui zui mek zel bawk.