Zaithiam lar PINK chuan fa a neih vat chuan rimawi khawvela a zinkawng a tawp nghal dawn ni awma sawitu an tam hle, a ti.
An sawi leh vauna ti tih ngaipawimawh lo zaithiam hian fa kum 11 mi leh kum 6 mi a nei tawh a, fate nu a nih atang chiah khan rimawi khavela a zinkawng a zawh tan chiah ni maia a hriat thu a sawi bawk.
“Mi zawng zawng tih mai tur hian, ‘Tunah fa i neih chuan i career chu a tawp fel hmak a ni mai’ tih khan min hrilh deuh vek a. Mahse, single kumtluang tura beiseina leh phutna kha a tamin, a nasa hle bawk. Tichuan, fa ka han nei ta cheng a, ka khawel rum leh ruh lutuk thin chu a tinem duai maiin ka hria. chu lai chu tunhma lama ka hriathiam ngai loh thil a ni.
“Mak angreng takin, fa ka neih khan ka career a intan chiah hi a lo ni zawk a, keimah leh ka khawvel hrethiam a, hriatchian lehzualna ka neih phah ta zawk,” tii Apple Music 1 nena an interview-naah a sawi.
PINK hian fa a neih hnu ah a larna leh hmingthanna a chawi vul tual tual emaw tih mai turin a huhang a na deuh deuh zawk niin a lang a, kum lamah upa ve tan tawh mah se, a zaithiamna leh zaitheihna erawh a la ‘fith vehvawh hle.