Hmeichhe tennis a world number one ni lai Iga Swiatek chuan Qatar Open-ah a champion title a humhim a. American mi Jessica Pegula chu final-ah straight set in a hneh.
Qatar a vawi thum champion tawh Polish nula hian seeded number 2 nihna hauhtu Pegula hi Doha a final ah hian minute 69 chhung lekin 6-3 6-0 in a hneh.
Swiatek leh world number four ni lai Pegula te hi vawi sarih intum tawhin vawi nga a chakna a ni.
Kum 21 mi hian kartluanin Qatar-ah hian game nga chiah a hloh a. Kum 2023-ah a vawikhatna atan WTA Tour title a lakna a ni.
Swiatek hi nikum Qatar Open a a champion hnuah a zawnin match 37 hnehna a chang zawn a, French Open-ah a champion thei zui a ni.
“Season bul ka tan dan a hautak hle hnuah tunkarah ka kheltha chho leh viau a, hma ka sawn zelin ka ngai. He tournament hian season ka hman chhoh turah inrintawkna lian tak min siamsak ang.” tiin hmalam hun a thlir.