World number 2 ni lai Carlos Alcaraz chuan US Open champion a nih hnuah a champion title hmasa ber ni tur a la a. Pathianni zanah Argentina Open-ah a champion.
Clay court tournament final-ah hian seeded number one hauhtu Alcaraz hian Cameron Norrie chu 6-3 7-5 in a hneh.
Kum 19 mi lek Spanish star hian ke hliam avangin Australian Open kha a khel thei lova. Buenos Aires a inelna hi kumina tournament a hmachhawn hmasak ber a ni.
Alcaraz hian a dam tawh tih lantirin tournament chhung zawngin set khat chauh a hloh a. “Tun thla li chhung harsatna lian tak ka tawh hnuah tiang anga ka inkhel leh thei hi ka tan a hlu a. Han chet vel pawh a nuam leh tawh hle.” tiin a sawi a. Tunkarah Rio Open a khel lehnghal ang.