German Chancellor Olaf Scholz chuan Inrinni leh Pathianni hian India a tlawh dawn a, kum khat chuang an ram hruaitu lu ber nihna a chelh hnua India tlawha a zin chhuahna hmasa ber tur a ni.
German chancellor-in India a tlawh tur hi Ministry of External Affairs (MEA) chuan Thawhtanni khan puangin Scholz-a hi sorkar mi pawimawhte leh sumdawng thiltithei tak takten an zui dawn a ni.
Inrinniah Delhi a thleng ang a, a tukah Bengaluru-ah hun a hmang thung dawn tih MEA chuan a sawi.
Prime Minister Narendra Modi leh Chancellor Scholz te chu inkawmin ram pahnih inkar, India hnaih ramte chungchang leh khawvel huap thil te an sawi dun ang.
“Chancellor Scholz-a lo zin tur hian 6th IGC neiha hmalakna hrang hrang – venhimna lam tihchakna te, ram venhimna lama thawhhona te, sum leh pai lama thawhhona te leh kawng hrang hranga thawhhona awm theite hai chhuahna lam atan a ni,” tiin MEA chuan a tar lang.
Modi leh Scholz hian ram pahniha CEO leh sumdawng pawl hruaitute an kawm dun bawk ang.