Sorkar kum a kal zel a, sorkar na chelh mektute pawhin kumtawp MLA thlan an hawi tan a, political party tin pawh thapui thawhin an che chhuak tan leh ta. Hetiang hun hi mitin, mipui lamte kan fimkhur hun chiah a ni tih kan hriatthiam a ngai.
Sorkar lah lungawi loh khum thawm hriattur a awm reng a, dai pelh leh dai pial an ngah ta viau nge lah hriat a ni si lo. Sawifiah tur leh insawithiamna thawm hriat tur a la awm chho zel dawn niin a lang a, an laka lungawi lohna lantirtute an kawm fo a ngai dawnin a lang bawk. Fimkhur taka ke an pen pawh a tul awm e.
Eptu lam lahin an tihdik tawk lohna leh an chhiatna lai an lo zawng ngar ngar emaw tih tur khawpin an hualzim a, chan that hlawh an lo tum ve ngar ngar bawk. Democracy hi tam tak tan hi chuan beidawnna a chang mai ang tih a hlauhawm rum rum thin.
Kumtawp mai MLA inthlan a ni tawh a, mipui lam hian kan rilru dik tak siamnghetin, chutah chuan ding nghet ila, sual leh tha thliar thiam chungin vote te pawh hi i thlak ngam zel tawh ang u. Kan chak lohna hi thuamchakin, kan chak lohna laia min chhuzuitute chet theih loh tura kan tuang kan tihchhah pawh a tul awm e.