La Liga a hmahruaitu Barcelona in an mikhual Cadiz lakah goal hnih an khung a, 2-0 a chakin point 8 in league-ah hma an hruai chhunzawm.
Pathianni zana Spotify Camp Nou a inkhelah Barcelona hian halftime dawnah goal hnih an khung a. A zawnin La Liga-ah vawi sarih hnehna an channa niin an elpui leh champion lai Real Madrid lakah an fal chhunzawm.
Inelna hrang hranga match 18 tlawm tawh lo Barcelona tan minute 43-naah Sergi Roberto chuan goal hmahruai a khung a. Robert Lewandowski ball tauh per atangin goal a khung.
Poland striker hian halftime dawnah an goal hnihna a khung chhunzawm a. Barca tlarhmaah Ferran Torres a kheltha hle.
Cadiz tan Roger Marti chuan inkhel tan tirah goal a khung a, offside avanga pawm a ni lo.
Barca manager Xavi Hernandez chuan, “Halftime dawna goal hnih khung khan kan tan thil a ti awlsam a, halftime dawnah inkhel a tichiang tluk a ni.” tiin inkhel a thlirlet.
Inkhel dangah Atletico Madrid in 1-0 in Athletic Bilbao an hneh ve bawk.
Wanda Metropolitano a inkhelah Atletico tan Antoine Griezmann chuan inkhel a goal awmchhun minute 73-naah a khung a. Tun season-ah an mualah vawi nga hnehna an channa chauh a ni.