Mizoram Larsap Hari Babu Kambhampati chuan nimin chawhma khan Prime Minister Narendra Modi a pisa, New Delhi-ah a kawm a, Mizoram mamawh leh hmalakna pawimawhte a sawipui.
Larsap Kambhampati hian prime minister chu Mizorama hmalakna pawimawh leh Mizoram state mamawh leh state dinhmun tlangpuite a sawipui a. Tun kum kal mek a Mizoram chhunga state leh central sorkar hmalakna pawimawh kalpui mek/thawh mek chungchang pawh an sawi dun bawk.
Nimin zing khan larsap hian National War Memorial a tlawh a, martar-te zahna lantirin pangpar a dah bawk a ni.