NBA season kal lai hmun thum a then a hmun hnih khelh zawh a ni a, season chawlh lailawk hmangin tun kartawp khan NBA All-Star Weekend an hmang.
Thawhtanni zingah NBA All-Star Game khelin Team Giannis leh Team LeBron te an inhmachhawn a, 184-175 in Giannis Antetokounmpo team te an chak.
Boston Celtics star Jayson Tatum chu he inkhelah hian langsar hle in point 55 a score a, All-Star Game a Most Valuable Player a thlan niin point 55 a score a. Hei hi All-Star Game vawikhat a point score hnem ber record a ni bawk.
Cleveland Cavaliers star Donovan Mitchell pawh che tha in MVP dawng tura Tatum eltu ber a ni.
NBA All-Star Game kalphung hi kum 2017 atang khan tihdanglam a ni a. Eastern Conference leh Western Conference a khelh ni tawh lovin All-Star Vote hmu hnem pahnihte chu captain niin anni pahnih in an team tur an thlang.
Kuminah Milwaukee Bucks star Giannis Antetokounmpo leh Los Angeles Lakers player LeBron James te captain an ni a. Captain pahnihte erawh an inkhel rei lo.
Giannis Antetokounmpo hian a ban rek dinglam a tihnat vangin a tan tir bak a inkhel thei lova, James pawhin a kut a tihnat vangin first half bak a khel lo.