Aizawl : Govt. Serchhip College Girl’s Hostel building thar chu Thawhtanni tlai khan Higher & Technical Education Mi- nister Dr R Lalthang- liana’n a hawng.
H&TE Minister chu- an “Mizoram State Day-ah Govt. Serchhip College Girl’s Hostel kan hawng thei hi a lawmawm” tiin, “Memorundum of Settlement kum 1986-a kan ziah zarah Mizoramin University kan neih phaha, India rama University tha pawl a lo tling ta” a ti.
Serchhip district chu Mizoram lailia awm, chhim leh hmar, chhak leh thlang atanga pan awlsam a nih avangin zirna in tha ber ber, hmun hrang hrang atanga pankhawm theih tur te, Medical College thleng pawha dah a inhmeh tiin, ram lailia awm an nihna an hman tangkai thiam tha a tih thu a sawi.
Dr R Lalthangliana chuan Aizawl pawna College zinga NAAC A grade hmu thei hmasaber Serchhip College-in Aiz- awl pawna College dangte a tiphurin chona a pe nasa nia sawiin, College ten hma an sawn phah nasa niin a sawi a. Serchhip College hmalakna hr- ang hrang fakin, “NAAC lamin engang grade pawh min pe se kan College tinte hian quality education, khawvel inelna sang tak hmachhawn phak zirlai chherchhuah ngei i tum tlat ang u, a ti bawk.
Serchhip Bawrhsap Nazuk Kumar pawhin New Education policy tihhlawhtlinna tura hmalak- na tam tak kalpui tan tawhna Serchhip College-in Girl’s Hostel thar a nei chu lawmawm a tih thu sawiin, “College leh kan district tan hmasawnna a ni” a ti a. Serchhip College-ah extra curricular activities hrang hrang bakah finishing school te kalpui niin thawktu engemawzatin doctorate degree an nei thar tih a sawi.
Govt. Serchhip College Principal K. Laldinpuii’n Girl’s Hostel an puitlin theih chhan chu H&TE Minister Dr R. Lalthangliana nia sawiin, a tira UGC grant sum an dawn a tlem avangin state atangin sum a ngaihtuah sak avanga puitling ta an nih thu a sawi a. Bialtu MLA Lalduhoma’n eirawngbawlna tur bungbel leina atan Rs. 50,000 a pek avanga an lawmthu a sawi bawk.