Tuna Arsenal squad a awm rei ber ni mek Mohamed Elneny chuan kum khat contract a ziah belh.
Egyptian midfielder hi tun season zawh a contract hmang zo tur a ni a, a contract neihlaiah thla 12 dang ziah belh theihna a awm a. Nimahsela tuna a contract ziah hi contract pawhseina ni lovin inremna thar niin an sawi.
Elneny hi tunah inhliam mekin thla hmasa khan a khup a ti na a, tun season-ah a inkhelh leh a beiseiawm tawh lo.
Khelmual chhungah lut tam tawh lo mahse Arsenal squad-ah player awm rei ber tawh a nih bakah team boruak siamtu pawimawh a ni a, player dangte ngainat a hlawh.
Hei vang hian kum 2016 January a Swiss club FC Basel atanga Gunners zawmtu hi a club lamin chelh an duh a, vawi 115 an tana a inkhelh tawh chu a la belh thei dawn.