Aizawl : Lawngtlai Bawrhsap David Lal- thantluanga’n Lawngtlai khawpui aṭanga hmar lam Lawngtlai district chhunga national highway kawngpui zauh hna thawh mek dinhmun a enfiah.
Bawrhsap chuan National highway zauh hna enkawltu National Highway Infrastructure Development Li- mited (NHIDCL) hotute, hna viltu Interco- ntinental Consultants and Technocrats Pvt. Ltd (ICT) leh hnath- awktu Anupam Bricks and Concrete Industry (ABCI) Infrastructure Pvt. Ltd hotu te chu an hnathawh tawh chin dinhmun leh harsatna an neih te a sawipui.
Lawngtlai Bawrh- sap chuan kawngpui zauh mek vanga ka- wng khuin AOC Veng leh Thingkah inkara lirtheia veivakte leh khaw chhung mite tan harsatna a thlen ṭhin chungchangah thawktute chu mipui harsatna sutkian dan zawnga hma la turin a ti a. Khawpui chhung (Th- ingkah leh AOC inkar) bik chu ngaihpawimawh hmasaka neih turin a hriattir bawk.
Hnathawktute chuan kawng zauhna tur huamchhunga ram neitu ṭhenkhatin lungawilohna an neih ava- nga hnathawh theihloh- na lai a awm thu Bawrhsap chu lo hrilhin, mipuiin an thawhpui ṭhat chuan thla 1 chhungin GSB phah zawh a nih tur thu leh kawng khu pawh a ziaawm tur thu an sawi.
Kawng zauhna tura ram lak tawh chin ka- wngpui kama chenna in awm, in neitu ten an la chhuahsan loh avang leh an la ṭhiah loh avanga hmalak theih- lohna engemawzat a awm thu pawh hna- thawktute chuan an sawi a. Hemi harsatna sukiang tur hian Baw- rhsap chuan official-te, contractor-te, village council te leh ram neitute nen joint verification neia, a mal te tea an dinhmun a hmuna enfiaha, mipui harsatna siam lo zawng leh chak zawka hna kalpui a nih theih nan hma lak ni se, a ti a ni.
Sorkar thuchhuahin a tarlan danin National Highway-54 zauh hna thawh mek hi package riatah ṭhen niin, Lunglei district chhung Ṭawipui ‘N’-II aṭanga Lawngtlai College Venga 71 RCC thleng package-6 a ni a. NHI- DCL enkawlna hnuaiah ABCI-in he hna hi an thawk a. NH-54 zauh hna package-6 hi June 2023-ah zawh tura ruahman a ni.