Turkey ram chu lirnghingin sawi thar leh chhanchhuah hna thawktute chuan in chim chhe kara tangte puih hna an thawk thar leh a, tun tumah hian mi paruk vel an thih belh leh bawk.
Magnitude 6.4-a na lirnghing hi February 6-a lirnghing na tak a thlenna, Antakya khawpui bul, Syria nena an inrina bul lawk a ni.
A nghing hmasaaah khan Turkey leh Syria-ah hian mi 44,000 zet thiin mi sang tam takin chenna in an neih loh phah.
Thawhtanni zana nghing leh hian in la dingte pawh a tihngheh loh zual phah hle.
Turkey-a disaster and emergency agency chuan magnitude 6.4-a na hi zan dar 8:04 (India-a zan dar 10:34)-ah lei hnuai km 10-a thuk atanga intan a nih thu an sawi.
Aftershock awm uiin magnitude 5.8-a na a ni a, a hnuah pawh na lem lovin vawi 31 zet a thawk leh bawk.
Health Minister Dr Fahrettin Koca chuan mi 294-in hliam an tawrh thu leh an zinga 18 chu an dinhmun a tha lo tih a sawi.
Thi erawh an tam lo va, hei hi a hmaa lo nghin tawhna hmun a nih avangin mi an tam rih lo va, tuartu tur an tam lo a ni.
Antakya-ah hian mipui an chiaiin an hlau hle a, khawlaiah an phusa sup sup a. Ambulance leh rescue crew-te chuan a bang tlabal tawh tak tak inte chu a chim tih an sawi.
“Ka awmna lei chu a inthen phawk mai dawn emaw ka ti hial a ni,” tiin mi cheng pakhat, Muna al-Omar chuan Reuters news agency a hrilh a. A nghin lai hian city centre-a puan ina an awm lai a nih thu a sawi.
Kum 18 mi, Ali Mazlum chuan a nghin hmasak zawka a chhungte ruang zawnga a awm mek laiin a nghing nawn leh tih AFP news agency a hrilh.
“Engmah tih tur i hre bik lo vang… Kan inkuah khawm a, bang a chim ur ur a ni,” a ti.
Adana-ah chuan lir a nghin hmasak hnua rescue centre atana an hman, volleyball centre-ah mi an tlan khawm nasa hle.
Thuneitute chuan mi 600 vel thleng khawmin chhawng nei lo inah hian himna an zawng tih an sawi.
A nghin hmasaka an buai tawh avangin mipuite hi ina tawm aiin pawna chhuah an rilruk zawk.
Syria-ah chuan mi 470 hliam tuar awmin damdawi in an pan a, lirnghing hian Egypt leh Lebanon a sawi bawk.
Thawhtannia Turkey tlawha zin, US Secretary of State Antony Blinken chuan puihna tur $ maktaduai 100 pek an tum thu a sawi a, America chuan lirnghing atanga an dam chhuah theih nan ‘rei tak thleng an pui dawn’ tih a sawi a ni.
US hi lirnghing tuartu ram tanpui tura pen chhuak ram tam tak zinga mi a ni.
Turkey-ah hian lirnghing hmasaa chhanchhuah hna hi hmun hnih tih lovah chuan tawpsan a ni tawh a, dama lak chhuah tur an awm beiseina a tlem zel a ni.