ZPM thalaiin ILP chungchanga thubelhchiandawllo sawiah Minister Dr R Lalthangliana an puh.
Hnahthiala Mizoram State Day lawm- na February ni 20, 2023-a a hmanpuina ah Dr R Lalthang- liana’n ILP chu Mizoram peace accord hrinchhuah angin a sawi niin ZPM thalai chuan an sawi a. Hei hi pawmawmloh taka an ngaih thu leh hriatthiam har an tih thu an sawi.
ZPM thalai chuan “MNF ministry-a Mi- nister zingah thiamna nei sang leh tawnhriat ngah Dr. R. Lalthang- liana’n hetianga ILP chungchang leh Peace Accord dawt thu hm- anga a sawi zawm hi pawi kan ti hle” an ti a. Inner Line Regulation leh Inner Line Permit chungchang chu Bengal Eastern Frontier Regulation, 1873 para 2-ah tarlan a nih thu leh Peace Accord-in a pawlh dal zaw- ka an ngaih thu an sawi.
“MNF ten inremna neih an chak tawh luatah ‘kan sa lu hawn tur’ tia Pu Laldenga’n keipui sa hauh taka a hauh, Mizoram ramri chungchangah pawh Boundary committee duh dan pawh dinpui ngam lovin, ramri atâna Mizo mipui ten kan pawm theih loh North Eastern Areas Reorganisation Act, 1971 chu a rawn pawmpui ta a. Hei hi India sorkâr laka Pu Laldenga a tlawm takzet zia tilangtu a ni” ZPM thalai chuan an ti.
ZPM thalai chuan “Ṭhangtharte hi duh duha bum theih kan ni tawh lova, zalenna sualtuteah pawh ngaihsan tur leh ngaihsan loh tur kan thliar thiam tawh a ni tih hi ZPM Ṭhalai ngaihdan a ni” an ti a. “Thang- tharte hian tuna MNF party hruaitute hi chu ‘Nationalist’-ah kan chhiar ta meuh lo a ni” an ti bawk.