Gulab Chand Kataria chu Nilaini khan Srimanta Sankardev Kalakshetra, Guwahati-ah Assam governor 31-na atan lak luh a ni.
Kum 78 mi hi Udaipur, Rajasthan-a cheng a ni a, Rajasthan home minister pawh lo ni tawhin state assembly-ah eptu leader pawh a ni tawh bawk.
Thawhlehni khan Kataria leh a nupui, Anita hian Assam thlengin cabinet minister eng emaw zatin an lo dawngsawng.
February 19-a a hun hmang zo, Jagdish Mukhi a thlak ang.
Kataria hi kar kalta Ningani, governor atana ruat a nih hma niah chiah MLA a nihna atanga a bânna chu Rajasthan Assembly Speaker CP Joshi hnenah a thehlut.
Kataria hi MLA-ah vawi riat zet thlan tlin tawh niin Udaipur bialtu a ni.
MLA atanga a bân tak avang hian member 200 awm theihna assembly-ah chuan 199 an awm ta a. Rajasthan assembly inthlan hi kumin kumtawp lama neih tur a ni.