Mizoram sorkar department hrang hrang hnuaia Centrally Sponsored Scheme (CSS) Employees hruaitute kalkhawmin CSS hnuaia thawkte hamthatna tur buaipui tur coordination committee an din.
Nimin khan department hrang hrang hnuaia CSS Employees hruaitute chu an inhmukhawm a, harsatna an tawh hrang hrang, hlawh an lak mumal theih loh avanga harsatna an tawh te, hamthatna tur an mamawh thu te leh dinhmun tha zawk an neih theih dan tur te an sawiho va, an hamthatna turte buaipui turin coordination committee din an rel a; hruaitu tur pawh an inruat nghal.
CSS employees hruaitu kalkhawm chuan resolution siamin, ‘Sorkarin a din, CSS Employees te tana Study Group on CSS-ten recommendation a siam chu cabinet meeting neih leh hmasak berah min ngaihtuahsak ngei rawh se,’ an ti.