Aizawl: Mizoram sorkarin IT Skill Development & Training Centre pasarih din a tum tih Information & Communication Technology (ICT) Minister Pu Robert Romawia Royte-in house a hrilh.
Nimina Assembly Session-ah zawhna chhangin minister chuan, “IT Skill Deeloment & Training Centre hi Block hrang hrang – Chawngte, Lawngtlai, Bungtlang ‘South’, Zawlnuam, West Phaileng, Lungsen leh West Bunghmunah te bun tum a ni,” a ti a. “Heng centre tinah hian computer set kim 50 theuh dah tum a ni a; zirtirtu leh zirlaiten information technology (IT) zirna kawnga nasa zawka hma an sawn theih nan tangkai taka an hman a beiseiawm,” a ti.
NIELIT nen tang dun tura hma lak a ni a; hmun kilkhawra awmte pawhin an kawtchhuaha I&CT training centre an nei tur hian zirna mai bakah khawtlang hmasawnna hrang hrang atan leh eizawnna kawng thlengin mipui nawlpui tan a tangkai dawn tih a sawi.