Meghalaya assembly inthlan lo awm turah a campaign-na hmasa berah Congress hruaitu, Rahul Gandhi chuan na taka BJP beiin ‘zirna ina mi tiduhdahtu’ niin a sawi.
BJP leh RSS te chu zirna ina mi tihduhdah ching ang nia sawiin, engkim hria angah an inngai a, mi dang zahna an nei lo tih Gandhi chuan a sawi.
“BJP leh RSS hi zirna ina mi sawisak ching an ni a, keini hian tharum tel lova chet dan kan zirtir ang,” a ti.
Congress hruait hlun hian Nilaini khan Shillong khawpuiah Meghalaya inthlan turah an party tan a campaign.
“BJP hian hnam dang nun dan, khawsak dan, chin dan, tawng leh sakhua engmah an zah lo,” a ti.
“Meghalaya-a ka lo kal hian in khawthlir hriat ka tum a, in duhna leh in chanchin, culture leh tih dan ka zir hmasa a ni,” a ti.
Congress hruaitu lawkte hi hmarchhak state pathum – Tripura, Meghalaya leh Nagaland inthlan turah hian an campaign nasat loh avangin sawi an hlawh hman.
Meghalaya leh Nagaland-ah hian February 27-ah inthlan tur niin March 2-ah vote chhiar a ni ang.