Paris Saint-Germain forward Neymar chu Pathianni zana Lille nena an inkhelh tuma a inhliam chu uluk zawka enfiah a nih hnuah a kheimit a tha thenkhat a ti na tih hmuh a nih thu a club in an sawi.
Second half tan tirah Brazilian forward hi a hliam avang hian lakchhuah a ngai a. Lille player Benjamin Andre nen ball an inchuhnaah a ke dinglam hi bilhin a chesual.
PSG chuan, “Vawiinah Neymar-a hliam hi uluk leh chiang zawkin enfiah a ni a, a tha a ti na tih hmuh a ni. Karleh lamah ngun zawka endik a ni ang.” tiin Thawhlehni zan khan PSG chuan an sawi a, Neymar-a chawlh chhung tur erawh an sawi lo.
PSG hian March 8 hian Bayern Munich chu UEFA Champions League second leg-ah an hmachhawn dawn a, hetah hian Neymar hi tel thei lo chiang tura ngaih a ni.
Neymar-a chawlh hunchhung tur hi hriat ni lo mahse a kheimit tha a nih avangin a hmanhmawhpui theih dawn lova, kar ruk vel tal ni turah thenkhat chuan an ngai.