India-in mi firfiak a man duh ber zinga pakhat chu Pakistan-ah thah a ni.
Imtiyaz Alam tia an koh bawk, Bashir Ahmad Peer-a hi Hizbul Mujahideen commander lawk ber zinga mi niin Rawalpindi daiah Thawhtanni tlai khan kah hlum a ni.
Peer-a hi nikum October thla khan Jammu & Kashmir-a mi firfiak a thawn luh avang leh an kalkawngte a kawhhmuh thin avangin mi firfiakah a puang a ni.
Babapora, Aloosa khua, Kupwara district, Jammu & Kashmir-a khawsa thin, Peer-a hi mi firfiakte commander ruh tak niin kum 20 kal ta khan Pakistan-ah a insawn a ni.
Hizbul chief Syed Salahuddin-a nen pawh inhnimhnai tak nia hriat a ni.
Pakistani chanchinbute chuan motorcycle-a chuang silai kengten Peer-a hi Thawhtanni zan khan an hual bet a. Rawalpindi-a dawr kawta a din lai tak a ni.
Pakistan-a Hizbul commander, Peer-a hi Kashmir-a hela lut tur kaihruaitu leh an ralthuamte pawh ngaihtuahsaktu a ni.
Unlawful Activities (Prevention) Act (UAPA) hmangin sorkar chuan mi firfiakah a puang a, Pakistani Computerized National Identity Card No. 82203-7942470-9 an pe.
Tum renrawn taka Peer-a thah a ni hi Hizbul Mujahideen tan pawh thil pawi a tling a, Syed Salahuddin leh Hizbul commander dang, Pakistan-a awmte tan pawh ngaihthat lohna tham nia ngaih a ni.