Aizawl : MNF thalaiin “ZPM thalai mi tlem te inhawrkh- awmin assembly session tibuai zawnga assembly house bula bengchheng an siam duh mai hi atthlak kan ti hle” an ti.
MNF thalai chuan thudik lang reng chung leh House chhungah meuh pawh ngaihdam dil a ni tawh chunga session tibuai zawnga ZPM thalai thil tih dan chu Assembly House zahawmna tihbawrh- ban tumnaa an ngaih thu an sawi a. “Kalphung thar min zawrhtu ZPM MLA ten assembly session neih mekah infiammite tana hriat nuamlo khawpa Sports hmasawnna kan neih te mausama, nuihzat leh diriam taka an sawi fo hi sim tawh tur in kan duh” tiin, Aiz- awl South II MLA-in Futsal-ah medal pawh awm lo anga a sawi pawh hriatloh thlak an tih thu leh infiammite deusawhnaa an ngaih thu sawiin, ngaihdam dil turin an phut.
“Tuiawmloh kha- wpa infiam mite tana hmasawnna awmte an sawi bawrhbang ṭhin leh infiammite rilru an tihnatnaah ngaihdam dil turin kalphung thar min zawrhtu ZPM party te hi kan phut” an ti bawk.
MNF thalai chuan “ZPM MLA te leh an hotute Assembly chh- ung leh pawnlama an chet dan chu ‘beidawng leh chalchang zia’ a ni tih a chiang” tiin, “Assembly session leh press conference-ah te mimal, private company etc., te politics tuinû hmanga an lam ri thlazen te hi party dangin a nâzawnga an tih ngai loh an kalphung thar ziaah kan ngai a, ZPM a lo din ve hnu hian thudik tawklo hmanga inbeihna politics a hluar thar a, midang tinâ thei thudiklo politics hi chu khel chhunzawm zel tawh lo turin kan duhpui a ni” an ti.