Boyband lar tak ni thin Backstreet Boys chuan concert pui tak nei turin India leilung an rawn rap dawn ta.
Kum 1990s chho vela boyband lar ber zingami te hian DNA World Tour an nei dawn a, kum 13 hnu lamah India an rawn luhchilh lehna tur a ni ang.
Ruahman dan chuan May 4 hian Jio World Gardens, Mumbai an tuam ang a, May 5 hian Delhi an tuam chhunzawm dawn a ni. BSB concert tur hi BookMyShow leh Live Nation te’n a bul an tum dawn a, India-ah an chahlut dawn.
BSB member AJ McLean, Brian Littrell, Nick Carter, Howie Dorough leh Kevin Richardson te hian hun rei tak chhung rimawi khawvel an lo awihlim tawh a, kum 30 zet zai leh rimawi hmanga fan te awi nung tawh te hian Indian fan te ngenna leh sawmna hi rawn tihhlawhtlin an tum.