Formula 1 season thar atana inbuatsaihna hmasa ber pre-season testing chu Ningani atang khan Bahrain-ah team ten an kalpui tan.
F1 team 10 ten ni thum chhung awh tur test hi Bahrain International Circuit a kalpui a ni a. Ni khatah chawhma leh chawhnu hun hman a ni ang.
F1 pre-season test hi tlan chak tehna atana hman a ni lova, nimahsela team hrang hrangten an car thar zirchianna leh hma an sawn theihna tura an inbuatasihna atana hman a ni thin zawk.
Ningani chawhma hunah world champion ni lai Red Bull car khalhtu Max Verstappen chu lap khat tlan chhuak rang ber a ni a. Ferrari car khalhtu Carlos Sainz chuan a dawt.