Naryanpur district, Bastar, Chhattisgarh-ah nimin khan Maoist hel pawl ni ngeia rinten venhim hna thawktute chuan bus chu IED hmanga beiin district reserve guard police pathum an thi a, mi dang 10-in hliam an tuar a, an zinga panga chu an dinhmun a tha lo hle bawk.
Bus-ah hian police 24 an chuang a, Abujmaad ram hnuaia Maoist laka beihpui thlak tura thawk chhuak an ni.
Chhattisgarh director general of police, DM Awasthi chuan, “Sipai pathum an thi a, eng emaw zatin hliam an tawrh bawk avangin thi zat hi an pung mai thei a. Chanchin kimchang zawk kan ngaichang mek a, beih tawhna lai hi ramhnuai pilril tak, inbiakpawhna that lohna lai a nih avangin thil hriat a la har hle,” a ti.
Bastar-a superintendent of police leh inspector general of Bastar chuan a hmun hi an pan nghal tih a sawi bawk.
DGP Awathi chuan a hmunhma senghawi leh hliam tuar buaipui hna thawh chu ITBP (Indo-Tibetan Border Police) 45th Battalion-in an puih thu a sawi bawk.
Chhiatna thlenna hmun hi mi dang tlawh theih loh tura dan nghal a ni a, a titute hnu chhui hna thawh nghal mek a ni tih a sawi bawk.