AZL: Senior Superintendent of Police, Traffic, Aizawl chuan PWD, Aizawl Road South Sub-Divisional III-ten Inrinni atangin Temple Square, Tuikual South atanga Dinthar peng (Pu PC. Zoramsangliana (L) In bul) inkar kawng siam that hna an thawh dawn avangin helai kawng hi a chanve khar/partial road block a ni dawn tih mipuite a hriattir.
Thupek hian kawng siam that hna thawh zawh anih hma chu a huam ang a. Hnathawh tibuai thei turin kawngpuiah lirthei leh bungrua dah/park phal a ni lo.