Premier League champion lai Manchester City in first half an thunun zawkna chu goal-ah an chantir theih loh an tuar a. UEFA Champions League round of 16 first leg-ah 1-1 in RB Leipzig nen an inhnehtawk.
Red Bull Arena ah a tir minute 45 chhungin chiang takin mikhual team an chungnung zawk. An phu ang ngeiin minute 27-naah goal an khung a. Ilkay Gundogan chuan an khingpuite tihsual remchangah la in Riyad Mahrez goal khung tur a siamsak.
City hian goal khung belh thei turin football an khel a, amaherawhchu goal hmaah an fuh thei lo.
Second half-ah erawh a inkhel a danglam. RB Leipzig an insiamtha a, City nen an inkheltawk tawh hle.
Benjamin Heinrichs chuan goal khungna remchang tum hnih neiin City an tihthaih fova. Minute 70-naah an tumah hlawhtlingin defender Josko Gvardiol chuan an si phurh sutna corner atangin a tauh lut.
German team tan Andre Silva pawhin second half-ah goal a khung teuh bawk a. Huntawp dawnah Janis Blaswich chuan City chakna goal khung tur Ilkay Gundogan lakah save tha a siam bawk.
City hian huntawp dawnah Heinrichs handball avangin penalty an beisei viau a, mahse thutlukna an lamah kal lovin goal inpek belh lovin team pahnihte an inkhel zo.
Dan an ni leh tawh
Europe huap inelna lianah mikhual team ni chunga draw result neih hi result chhe ber a ni lo. Chutihrualin inkhel kaldan thlirin City tan chak zawh loh a lawmawm lo.
Tunhnaia an inkhel thenkhat ang thovin City in inkhel an thunun hle chungin goal an khung thei lo.
Kevin de Bruyne dam lo an tuar tih a lang a, chance tam insiam an harsat. Tlarhmaah Erling Haaland-a’n beisei a pha lo leh bawk a, goal khung thei tak striker nimahsela “all-round” game a neih that loh avangin a “nil ni chuan a che thei lo thin hle tih a lang.
Manchester City boss Pep Guardiola chuan, “Helaiah hian lo kal a 5-0 a chak tura inbeisei chi a ni lo. He inelna hi a awlsam lo, group stage-ah team lian leh tha tam tak an tlakna a ni. Team tha kan ni a, kan tih thin thil tha tam tak kha tun inkhelah pawh khan kan ti thei.” tiin a sawi.