Nimina Assembly budget session-ah minister pathum department chanpual enkawlna tur sum ruahman sawiho a ni.
Cabinet Minister Dr R Lalthangliana department enkawl sum ruahmante chu – Higher & Technical Education tan Rs vbc 2,71,49,16,000, Health & Family Welfare tan Rs vbc 7,51,06,54,000 leh Commerce & Industries tan Rs vbc 62,00,66,000, a vaiin Rs vbc 10,84,56,36,000 a ni.
Cabinet Minister R Lalzirliana department enkawl – Art & Culture tan Rs vbc 11,95,63,000, District Council & Minority Affairs tan Rs vbc 5,05,76,29,000, Land Resources, Soil & Water Conservation tan Rs vbc 18,94,00,000 leh Power & Electricity 8,31,85,91,000, a vaiin Rs vbc 13,68,51,83,000 a ni.
Minister of State TJ Lalnuntluanga department enkawl sum ruahman – Law & Judicial tan Rs vbc 29,58,51,000, Parliamentary Affairs tan Rs vbc 1,01,86,000, Environment, Forests & Climate Change tan Rs vbc 1,61,65,13,000 leh Transport tan Rs vbc 56,61,22,000, a vaiin Rs vbc 2,48,86,72,000 a ni.
Vawiin Session-ah minister-te demand sawiho a ni dawn lo a, private member resolution sawi ho a ni ang a. Inrinni leh Pathianni hian session an chawl dawn a, chawlhkar thar Thawhtanni khian Deputy Chief Minister Tawnluia, Cabinet Minister pahnih Lalchamliana leh Lalruatkima te demand sawiho tura ruahman a ni.
Business Advisory Committee (BAC) ruahman angin budget calendar-ah chuan demand for grants 2023-24 hi February 28, 2023 thleng session-ah hian sawiho a ni ang.