Kum a thar chiah khan superstar Shah Rukh Khan chuan a film thar, ‘Pathaan’ hmang lemchan khawvel a rawn barakhaih nasa mai a, namen lova hit chhovin ‘Baahubali 2’ record chiah khum tur a nei ta reng mai.
A film hnuhnung ber, 2018 kuma tihchhuah kha nasa taka flop-in, a che chhe hle kha a ni a, film chan leh buaipui a chawlhsan lailawk nghe nghe.Ttunah erawh a hawi ‘champ’ viau tawh mai.
‘Pathaan’ film hian ramchhungah cheng vaibelchhe 516.06 a lalut hem hem tawh a, hindi version bik hian thawhlehni khan cheng vaibelchhe 500 a lalut tling. Tlangzarhna a rei deuh tawh chungin cinema hall a luahlum reng mai a, entu an tlahniam thei tak tak lo.
Heti ang hi a nih zel vangin ‘Bahuabali 2’ Hindi version-i’n ramchhunga film sum lalut hnem ber record, cheng vaibelchhe 511 chu a khum thuai dawn niin a lang ta.