Aizawl : GAD changtu, Chief minister Zoramthanga’n Ainawn Veng, Aizawla in nei te’n LSC nghet an neih theih loh avanga buaina an neih chu tun sorkar chhung ngeiin chin fel an tum thu house a hrilh.
Nimina Assembly session-a Serchhip bialtu MLA Lalduhoma zawhna leh member dangte zawh belhna chhangin Pu Zorama chuan, Ainawn Veng chhunga in ding te LSC nghet pek chungchang chu sorkarin a ngaihtuah mek a, hemi chungchangah hian GAD pawhin cabinet paper an siam tih a sawi a, tun sorkar chhung ngeia LSC nghet, a nei tura te’n an neih theih nan tih kan tum, a ti.
GAD minister chuan, Ainawn Vengah sorkar building 47 awmah quarter 184 a awm tih leh sorkar quarter te hi a upat tawh hlawm avangin thiat vek turin hmalak rawtna a awm a, sorkarin pawhin a ngaihtuah mek tih a sawi a, hetihlai hian quarter-a awm mekte awm leh na tur ngaihtuah chunga hmalak dan turte pawh ngaihtuah a ngai tih sawiin, “Mi harsatna siam lutuk lo zawngin tih dan ngaihtuah a ni ang,” a ti.