Croatia defender tawnhriat ngah Dejan Lovren chuan ram tana inkhelh a chawlhsan thu a puang.
Kum 14 chhung Croatia tana inkhel tawh kum 33 mi hian ram tan vawi 78 a khel hman a. Kum 2018 World Cup final a France hmachhawntu team zingah khan a tel a. Tun tum World Cup a pathumna hauhtu team-ah pawh a la tel.
“Naupang ka nihlai atangin ram tana tournament lian a inkhelh hi ka suangtuah thin. He kawr ka hak chhin hmasak ber thleng hian ka la hre reng a, danglam bik riau a inhriatna hi ka nei thin.” tiin Lovren chuan a sawi.
A coach Zlatko Dalic chuan Lovren chu team pumpui fuih phurtu a nih thu a sawi bawk.