England goalkeeper Jordan Pickford chuan contract thar, hun rei zawk daih a club Everton hnenah a ziak.
Kum 28 mi hi hian Goodison Park-ah kum khat daih contract bak a nei tawh lova, tunhnaiah Tottenham Hotspur lamin an ngaihven nia sawi thawm a awm.
Kum 2017 a Sunderland atanga Pound maktaduai 30 a Everton pantu Pickford hian Merseyside khaw club tan hian vawi 222 a inkhel tawh.
Manager thar Sean Dyche chuan, “Player tha tak a ni a, he contract thar hian he club in hmalam a panna tura bung thar a kaiah hian a lung a awi tih a lantir a. Kan thil kalpui tum ah thinlung takin a inpe tih a tilang chiang.” tiin contract thar chungchang a sawi.
England tana kum 2017 a inkhel tan Pickford hi tun dinhmunah England number one goalkeeper a ni mek a. Ram tan vawi 50 inkhel tawhin Euro 2020 final an tlin tumin rinrawl a ni tawh.