Rajasthan Chief Minister Ashok Gehlot chuan Indira Gandhi Urban Employment Guarantee Scheme hnuaia kum khata ni 100 inhlawhna siam thin, ni 125 inhlawhna tura rawtna awm chu a pawm.
State sorkarin thuchhuah a siamah he scheme hi sorkar laipuiin Mahatma Gandhi NREGA a kalpui hrula kalpui tura duan niin khawpuia mite hna siamsakna tha tak a nih thu tar lan a ni.
Kalphung thar hi April 1, 2023 atanga kalpui tan tura duan a ni a. Khawpuia hna nei lote tana kum khata ni 25 inhlawhna siam belh tur hian Rs. vaibelchhe 1,100 a mamawh dawn tih thuchhuahah chuan tar lan a ni bawk.
Gehlot chuan ruahmanna thar hi budget 2023-24-ah a puang a. He scheme hi 2022-23 atanga an hman tan kha a ni.
Nikum khan he scheme atan hian Rs. Vaibelchhe 800 dah a lo ni tawh bawk.