New Delhi leh Mumbai-a pisate hi UK-a documentary pakhat, Indian Prime Minister Narendra Modi demna lam thu tihchhuah a nih hnu lawka dap a ni.
Documentary hi television-ah chuan UK-ah chauh tihchhuah a ni rih a, Indian sorkar hian ‘India: The Modi Question’ tih hi online-a thehdarh khap a tum a, ‘ram awptu rilru nena inhalna thehdarhna leh India dona’ tiin a sawi.
Thla hmasa khan Delhi-a police-te chuan en tuma pungkhawmte a man nual a, an zingah hian Delhi-a zirlaite pawh an tel.
Documentary-ah hian prime minister hi kum 2002-a Gujarat chief minister a nih laia Muslim huatna avanga tharum thawhna thlenga a inrawlh dan tar lan a ni a. Muslim tam takin an tawrhna thil thlengah hian chief minister a nih angin a tih tur a ti tawk lo anga tar lan a ni.
UK Foreign Office atanga report tihchhuah loh an dawn behchhana siam niin buaina chhuaka Modi-a hma lak dan nepzia tihlanna a ni.
Gujarat-a buaina chhuak hi a hma ni chiaha Hindu biakzinte chuanna rel kanga mi eng emaw zat an thih atanga intan a ni a. Rel kang hi Hindu-te chuan Muslim-ho tihah puhin an lakah na takin an che zui ta a, mi 1,000 chuang zet thihna thlengin a tam ber Muslim an ni.
Foreign Office-in report a siamah Modi-a chu tawrhna thleng tur pumpelh theihna siam theihna kara hma lak lohnaah ‘mawhphurtu ber’ nia tar lan a ni.
Mi thiamte chuan Modi-a kaihhruai Hindu la na tak, BJP-in India-a thuneihna an chan hnuah sakhaw zuitu tlem zawk an chep sawt niin an sawi tawh thin a. Chanchinbu zalenna pawh a zim sawt nia sawi a ni.