Aizawl : Congress thalai (MPYCC)-in Mizoram sorkar budget 2023-2024 chu an zirchian thu sawiin, mipui chanvo tur a tlem tual tual a, sorkar sum leiba a pung tulh tulh tih chu an ngaihdan a nih thu an sawi.
MPYCC chuan “R- am mipuite tan he bud- get hi lawmna tur engmah a awm lova, nitin khawsakna a harsa chho hle zawk tur hi pawi kan tiin, Finance enkawl thiam leh mi dik – Pu Lalsawta Chief Minister hun a nghahhlelhawm tawh hle a ni” an ti a. Mizoram budget thara zaa 78 chu hi sorkar hnathawk hlawh leh inrelbawlna atana hman tur a nih laiin, mipui chan chu zaa 22 chauh a nih thu an sawi.
Congress thalai chuan Rs vbch 640.01 zeta ind- aihlo sa tura budget pharh a ni leh, budget tharah Rs vbc 272.33 puk belh chung pawha kumtawpah Rs vbch 628.51 zeta indaihlohna awm sa tur chu vanduaithlak an tih thu an sawi bawk.
Reserve Bank of India (RBI) tarlan danin Mizoram chu India ram state zinga leiba nei hnem ber a nih thu MPYCC chuan an sawi a. “Hetiang a nih mek laia Chief Minister Pu Zoramthanga, Finance Minister ni bawkin Assembly session-ah leiba a engto vak loh thu a la sawi mai te kha ram siamthat tumna tak tak a neih loh zia lanna chiang tak ni ah kan ngai” an ti a. “Sum enkawl thiamloh avanga mipui ten harsatna kan tawh thinah Covid-19 chhuanlama an hmang thin pawh hi mipuite bum tawh lo turin Mizoram sorkar hotute hi kan chah a ni” an ti.
Mizoram budget thar chu Budget awmze neilo leh mipuite beidawnna thlentu tur mai niin MPY- CC chuan an sawi a. “Minister te pawhin hnathawhna tur sum an department-ah engmah an nei lova. Chief Minister/Finance Minister tla- wn thiam thiam leh tlawn peih, a lang lo lama share pe tam thei Minister/ MLA apiang te chet theihna tur budget a ni” tiin, Mizoram sorkar hmalak na liantham zawng zawng chu Central scheme-ah chauh a innghat dawn tih chu an ngaihdan leh rin dan a nih thu an sawi bawk a ni.