Game 22 khelh tur an la nei a, Western Conference-ah 13-na an la ni mek. Nimahsela Los Angeles Lakers in NBA Playoffs khelh phak ngei an la tum hle a. Theihtawp chhuah a ke pen tanin 124-111 in Golden State Warriors an hneh.
NBA regular season-ah vawi 82 inkhel a awm. Tunah hian regular season tawp lam inum boruak ‘hot’ tan lai a ni. Lakers hi vawi 28 chak a vawi 32 tlawm tawh an ni a. Playoffs khelhphak beiseina la nei mahse an tan tlawm hlek pawh a pawi tawh thei.
Star player LeBron James pawhin All-Star Game khelh zawh chawlh an neihlaiin an hmabak chu ka inkhelh chhunga game 20 chuang ka khelh tawh zinga pawimawh ber angah ka ngai tiin a sawi. Playoffs khelh a duh.
Lakers team insiksawi in LeBron James leh Anthony Davis te thlawptu an nei tha tawh niin a lang a. Anni pahnih hi Warriors lakah hian minute 26 chauh ve ve an khel. Malik Beasly chu an team tana point score hnem ber niin point 25 a score a. Lakers in bench atang point 10 chuang score thei panga an neih an chhawr hle bawk.
Warriors tan Steph Curry awm lohna inkhelah Klay Thompson chuan point 22 a score.