BJP Mizoram Pradesh chuan thuchhuah siamin Mizoram khawpui, Aizawl Day vawi 133 lawmna siam a ni chu lawmawm an tih thu an sawi.
Khaw hrang hrangin khaw dincham lawm thin anga Aizawl Day lawmna hun siam a ni chu lawmawm an tih thu an sawi a. Aizawl Mihlun Thlahten huam zau zawka Aizawl Day hman a nih theihna atana AMC-te kuta mawhphurhna an dah thiam chu tha an tih thu sawiin, Aizawl khawpui chu Mizoram hmel lanna pawimawh ber pakhat a nih angin thianghlimna leh faina kawngah state leh Mizorama district dangte tan ngei pawha entawen tlak ni thei tura theihtawp chhuaha hma la zel tura an duh thu an sawi bawk.