Aizawl : Champhai district Jail-ah mitang 136 an awm mek a, an zinga mi 113 (mipa 100; hmeichhia 13) te chu an chungthu ngaihtuah mek – Under trial prisoner (UTP) niin, an chungthu ngaihtuah fel tawh mi 23 (mipa 21 leh hmeichhia 2) an ni.
Crime review commitee & under trial review commitee thutkh- awm Champhai-ah neihah Champhai district Jail dinhmun hi tarlan a ni a. He thutkhawmah hian Champhai Judicial district huamchhung chu India rama ruihhlo tawlhluhna kawng lan- gsar tak a nih mek thu leh ruihhlo tawlh thahnem tak man a nih thin thu pawh tarlan a ni.
Champhai chu ruihhlo do kawnga India ram pum venhim kaw- nga daido leh ralveng hmasatu a nih avanga tha tihchak a pawim- awh thu pawh he thut- khawmah hian tarlan a ni a. Champhai Judicial dist hnuaia thawktu in- daihlohnate, post ruak hnawhkhah chungch- ang te, Excise out post neih dan tur te leh thil tisualtu hmeichhia an awm changa buaipui thei tur force lamah thawktu hmeichhia, mamawh belh a nih thu te thuneitu sang zawkah thlen nise, an ti.
Addl. District & Sessions Judge Syl- vie Zomuanpuii Ral- te-in a sawi danin, Mizoramah Judicial district pathum Aiz- awl, Lunglei leh Champhai te a awm mek a, case a tam avangin High court-in Champhai Judicial district-ah case-te chak zawka chinfel a nih theih nan POCSO fast track court a dah bawk a ni.