- Lallunghnema, Charity Lodge
Keini consumer right buaipuitute hi chuan hetiang hian kan ziak kan ziak a, ziah zawh a awm thei dawn lo.
Complaint a lo lut a, kan han buaipui nghal a, nuam kan ti ve em em ringawt mai a ni. Hetianga thil leitu leh hmangtute harsatna ka buaipui lai hian ngaihtuahna a leng vak vel nasa hle thin zu nia maw le! A chang chuan football khel ang te hian ka inchan a, nuam tih ber leh tui berna buaipui hi chuan ka hlim veng veng thin a ni. MLA thenkhatin an bial mite hlim tak a an buaipui angahte hian ka inchan chang a awm fo bawk thin.
Insawi theihna pawh ni lovin, han ti ve khang lang ila, Ka u Vanlalnghakna (L) MLA a nih lai khan a bial chhunga mite hi kan tulpui ve thin khawp a. A changin pisaah kan hruai a, thil kan tihpui deuh vek kha a ni mai a. Hna kan hmuhsak a, bill kan nawrsak a, cheque kan laksak a, bank a pawisa lak thlengin kan umzui sak thin. A hmannaah kan tel lo a ni mai. Bial miten an chan theih ang turah hi chuan engkim deuh thaw hi ka lo tihpui a, ka tihsak a, application reng kha ka ziak vek thin. Kan unau khan bial mipuite kha kan atchilh tawp a, kan puih tamin nuam kan ti a, kan hlim em em a, kan puih tlem chuan kan lawmna a sang thei ngai lo a ni.
Kei ve hian consumer-te thil ka buaipui hian ka hlim veng veng a, ka lawmna te chu nasa takin a luang liam zel zawk a ni. Ve khanglang a!!
Tichuan, hetiang hian thil kan sawi ang.
Hmanni lawk khan kan nau pakhat L. Varte chuan a pheikhawk chah, company-in a chah loh zawk an thawn sual avang a,, a thleng leh tak thu leh refund a tih theih thu min hrilh chuan min tilawm hle a ni.Television lei thuah pawh pawisa an inpek tak thute kan lo hre ve leh zel a. Thil lawmawm tak, consumer-te tana hnehna hlu tak a ni bawk.
Kan thurawn leh kawh hmuh avanga scooter leiah te, mobile phone siamtirnaahte consumer-ten hnehna an chang zel a. Anni lo pawh hian hnehna an la chang zel dawn a ni. Kan thiante thahnemngaihna leh inpekna zarah consumer-ten hlawhtlinna an hmu chho zel dawn a. Kan tanrual erawh a ngai hle a ni.
Kei hi chu, zing taka tho thin mi ka ni a, Ka thawh veleh thingpui ka in thin. Dar 4-5 inkar velah ka thova, thingpui leh a hmeh ka han dukdak zawh hnu chuan ka ,’walk,’ Mizo tawngin ka kal a, Chumi zawhah ka inbual tlangpui.
Nilenga hun ka hman zawh hnuin a tlangpuiin zan ka mut hun hi dar 11 vel a ni.Tum khat zana ka mu tur erawh chu, ka phone ka han kheuh zawk a. Internet-ah he thu hi ka chhiar nawlh mai a. Saptawnga an tarlan dan ang angin ka han tarlang chhawng teh ang. “Bus conductor refuses to return Rs. 1 change to passenger, consumer court orders Bengaluru Metropolitan Transport Corporation (BMTC) to pay Rs. 2000/- compensation. A consumer court in Bengaluru appreciated the effort of a consumer who approached the forum after being short-changed for Rs. 1 by a bus conductor of the Bengaluru Metropolitan Transport Corporation (BMTC). District Consumer Disputes Redressal Commission vide order dated January 31st 2023 filed by Advocate Ramesh Naik L. and decided the BMTC to refund Rs 1 to him and pay Rs. 2000/- for deficiency of services along with Rs. 1000/- towards cost of litigation within 45 days”,tiin kan hmu a.A nep lo hle a nih hi!Cheng khat awh avanga cheng 3000/- chawi hi a namen lo tak a ni!
Bus conductor hian a passenger hnena cheng khat a pek duh loh avangin khin a ni a. Consumer Court chuan hetiang hian a hrem : Rs. 1 a pe ang, Rs. 2000/- a chawi ang. Consumer Court-a complaint buaipuinaa senso Rs. 1000/- chu passenger a pe ang. A vaiin Rs. 3000/- a chawi ang. Order chhuah atanga ni 45 chhungin a tifel ang.
Thunawi ka han nei lawk teh ang. Tun tum chu kan ram riang te a,consumerte- complaint chungchanga Commission thuremna kan hmuh theihte rawn tihchhuah ka tum a.Mahse,a la remchang lo a nih hi!Mizorama consumer issue atam thei ang ber rawn ziah ka tum!Mahse,kan la intiam lo a ni e.
Kan hmalaknaah hian mi tam takin min tuipui lo tih ka hria a. Mi tam takin min tuipui ve tho tih ka hre bawk. Zozam Times a columnist Pu Zirsangkima, mathematician, ziaktu hriat hlawh chu kan pawl Consumer Advocacy Group member thar a no. Consumer-te dikna leh chanvo veitu a ni a.
Hetiang mi vengva thawhpui tur kan nei hi vannei ka inti hle a. He column-ah hian ziak meuhvin ka han au chhuak a ni e. Mi dang, mi fing ho pawh hi in finna tipung turin lo tel ve zel teh u. In inchhir lovang e.
Kan ramah hian consumer awareness a thleng mek zel a. Kei a kar, min betu an awm ve ta reng mai. Hetih laiin changkang inti, consumer right hre lo ngiang ngiang hi an lo thu hmur mai a. Hengho hian he thu ziaktu rilru hi an ti hah phian a ni.
MRP aia sanga thil i lei chuan cash memo dil la, consumer court-ah kan khing dawn nia.
Electric consumer i nih anga harsatna i tawh chuan a thlawnin kan lo tanpui ang che. Inthlahrung suh. He thu ziaktu hi consumer forum member for Aizawl Power Circle a ni e. I tan kan ding reng e.