Ramri khua, Jammu & Kashmir-a Uri-a kum 40 zet cheng tawh, Bashir Ahmad chuan tun hma chuan laipui puak ri leh nghawr dur dur an hre reng a, a nu ngei pawh inkahna avangin a chân.
Kum 2001-a an khuaa laipui mu tla avangin Ahmad-a hian a ke leh a nu a chân a, tunah erawh inkahhai puan avangin an nun a zalen ta tih sawiin, ramri hrulah an duh duhnaah silaimu leh laipuia kah hlau lovin an teihawi thei ta tih a sawi.
“A lawmawm tak zet a, engmah harsatna awm lovin kan che thei a. Laipui a puah dur dur kha chuan kan chhuak thei ngai lo. Kum hnih liam ta hma lamah kha chuan kan dinhmun kha a khirh a, kan inte pawh laipuiin a fuh nasa thin,” a ti.
An khuaa cheng dang, Ghulamudin Chichi, pawhin, “Inkahhai puan hnuah chuan bunker kan mamawh tawh lo va. Tunah chuan sikul, damdawi in leh hmasawnna kan mamawh tawh zawk a, tunah chuan bunker kan mamawh tawh lo,” a ti.