Aizawl : PC party-in “Zohnahthlak ràltlànte official refugee-a pawm tura rawtna MLA ten an nei lo thei hi mak kan ti” an ti.
PC party chuan “Mizoram state budget session neih mèka MLA ten Myanmar leh Bangladesh atanga sahimna zawnga Zohnahthlak ràltlànte ‘Mizoram sorkarin an awmna siamsaka duat taka enkawl ni rawh se’ tia, lungrual taka thutlukna an siam thei hi lawmawm kan ti” an ti a. “Hetih rual hian kan unau ràltlànte dinhmun chawikan nan leh an hamthat zawk nàna official refugee-a pawm an nih theihna tur lam hawia kan MLA ten hmalakna an nei miah lo erawh mak kan tiin, kan unau dinhmun derthawng taka awm te ngaihtuahna ziktluak a neihlohthlàk kan ti hle” an ti.
Zohnahthlak ràltlànte lo tuamhlawm bàkah official refugee-a pawm an nih ngei theih nàna hmala tura PC party-in Mizora- m sorkar an lo kar thinna te chu tun thlengin Mizoram sorkarin a la ngaih- thah fo nia sawiin, hriatt- hiam harsa an tih thu PC party chuan an sawi bawk.