Aizawl: Excise & Narcotics department-in Serchhip district-ah grape wine zawrh phalna, vendor license mi panga hnenah a pe.
Serchhip atanga thu dawn danin Serchhip district-a grape wine zawrh phalna vendor license pek mi panga zinga palite chu Serchhip khaw mi niin, pakhat chu Thenzawl mi a ni thung a. Grape wine vendor-te hian Champhai Grape Growers Society hnen atanga lain an zuar a ni.
Excise & Narcotics department chuan dan hnuaiah grape wine chu zawrh a nih thu leh zawrh phalna nei tan pawh kumtlinglo hnena hralh erawh thiang lo a nih thu an sawi.
Sorkar atanga zawrh phalna nei lote tan zawrh ve chu dan kalh a nih thu leh grape wine ruih avanga harsatna thleng a awm a nih chuan MLP Act hnuaiah hrem theih an nih thu leh zu rui case nen danglamna a awm loh thu an sawi bawk.