Aizawl khawchhunga Aizawl Municipal Corporation hnuaia ward hrang hrangte inelna AMC Mayor’s Cup Inter Ward Football Tournament 2023 chu Zirtawpni zan khan khelh zawh a ni a. Ward XII chu final-ah penalty shootout a vannei zawkah tangin an champion.
Rajiv Gandhi Stadium a final-ah hian Vanlalneia bial Ward VII in champion inchuhna inkhelah goal an khung hmasa zawk a, minute 10-naah Lalmungliana hmangin goal an khung hmasa.
Mahse hei hi first half-ah R Thanglura bial Ward XII in an sut a, minute 36-naah Michael K. Lalhriatpuia chuan an goal a khung.
Extra-time ah goal luh belh lovin penalty hmanga chak zawk zawn a ngai a. Ward VII tan Gilbert Lalbiaksanga leh Lalruatfela bakah Fredy Lalrinchhana ten an pet goal lova, Ward XII an vannei ta zawk.
Champion team in cheng nuai khat leh sing nga an dawng a. Mimal chawimawina lamah Isaak Vanlalnunpuia, Ward XVII chu top scorer a ni a. Gilbert Lalbiaksanga, Ward VII chu Best Player niin final a penalty vawi hnih save John Lalruatfela, Ward XII chu Best Goalkeeper a ni ve bawk.