Aizawl : Nimin khan BJP Mizoram State chuan an pisa ‘Mipui Run’ ah political session an nei a, he huna thusawitu M Laikaw, CEM, MADC chuan Minority Affairs changtu Minister-in Autonomous District Council (ADC) chungchang a hre chiang lo leh hmusit tak leh zahpah nei miah lova a sawi chu mak a tih thu a sawi.
M Laikaw chuan ADC huam chhung MADC, LADC leh CADC ah chuan ADC hre lo leh minority te hmusit em em tute hi an hnawl vek tawha a rin thu a sawi a. Thenawm state ADC nei dang pathum Assam, Tripura Meghalaya te’n 6th Schedule Amendment chungchangah tha taka comment an pek lai a, Mizoram CM Zoramthanga chiahin negative comment a zuk pe hi a mak an tih thu a sawiin, “ADC te min rahbeh hi an tum a ni tih a chiang hle a ni,” a ti.
BJP chuan minority te mai ni lo vin, India mi tu te pawh an ngaih pawimawh em avangin, MLA general election lo awm turah pawh ADC pathumah BJP MLA paruk an nei ngei a rin thu a sawi bawk.